Şəhidlərimizin anım günü keçirildi

Mədəniyyət İşçiləri Həmkarlar İttifaqı Respublika Komitəsinin xidmət əhatəsində olan şəhər, rayon və ilk təşkilatlarında 27 sentyabr - Anım Günü ilə bağlı bir sıra tədbirlər keçirilmişdir.


Milli-mənəvi birliyimiz, Vətən oğullarının doğma el-obaya sədaqəti, mərdliyi və mətinliyi 44 günlük müharibədə özünü daha bariz şəkildə göstərdi. Bu oğullar öz xalqının əsrlərin sınağından çıxmış milli xüsusiyyətlərinin mahir daşıyıcılarıdır, onların igidlik nümunələrində xalqın, millətin köklü duyğuları yaşayır. Milli mentalitetimiz, milli ləyaqətimiz məhz xalqın qiymətli potensialı olan belə oğulların çiyinlərində yüksəlir. Bu gün torpaqlarımızı erməni tapdağından azad edərkən şəhid olmuş əsgərlərimizə Allahdan rəhmət diləyirik.